एन्ड्रोइड इलाभेन सार्वजनिक, यस्ता छन् ११ नयाँ फिचर

Advertisements

Slide SIMRIK
HOLIDAYS
Lazimpat, Kathmandu 9813858161 01-4446121/22 Your Holiday Partner

Slide adventures BUN
JUNGLE
Slide escape
from the
city
Slide Panchmane, Tarkeshwor, KTM Ph: 980-8704092

Slide DAZZLE
MAKEUP
STUDIO
ALL KINDS OF
MAKEUP SERVICES
AND CLASSES
CHABAHIL,
KTM
PHONE:
9813498185
  • 10
  •  
  •  
  •  
  •  
    10
    Shares

गूगलले आफ्नो पछिल्लो अपरेटिङ सिस्टम एन्ड्रोइड इलाभेन सार्वजनिक गरेको छ । यो अपरेटिङ सिस्टम गूगलको पिक्सेल टू र त्यसमाथिका स्मार्टफोनका साथमा वानप्लस, साओमी, ओप्पो, रियलमी लगायतका फोनका प्रयोगकर्ताहरुले प्रयोग गर्न पाउनेछन् । यसअन्तर्गत पिक्सेल टू, थ्री, थ्री ए, फोर र फोर ए मा नयाँ अपरेटिङ सिस्टम प्रयोग गर्न सकिन्छ । उत्तर अमेरिका, युरोप र भारतमा वानप्लस एट र एट प्रोमा प्रयोग गर्न सकिन्छ । ओप्पोका एक्सटु र रेनो थ्रीका साथमा रियलमीको एक्स फिफ्टी प्रो र साओमीको मी एमआई टेन र एमआई टेन प्रो मा पनि एन्ड्रोइड इलाभेन अपडेट गर्न सकिन्छ ।

Advertisements

Slide DAZZLE
MAKEUP
STUDIO
ALL KINDS OF
MAKEUP SERVICES
AND CLASSES
CHABAHIL,
KTM
PHONE:
9813498185

तपाईंले केही वर्षदेखि आँकलन गरेका धेरै फिचरहरू त एन्ड्रोइड इलाभेनमा छैनन् । तर मेसेजिङ, प्राइभेसी र स्मार्ट डिभाइसमा कन्ट्रोल गर्न दिने फिचरहरु यसले दिएको छ । प्रयोगकर्ताका लागि नयाँ लाग्ने केही फिचरहरु यस्ता छन्, जसले दैनिक जीवनमा निकै महत्व राख्छन् । मेसेजिङ एप चलाउन निकै सरल बनाएको एन्ड्रोइड इलाभेनले प्रयोगकर्ताको गोपनियतालाई ध्यान दिँदै अपडेटेड फिचर ल्याएको छ । साथमा फोनबाटै स्मार्ट डिभाइसमा कन्ट्रोल गर्न नयाँ फिचरहरु यो अपरेटिङ सिस्टमले दिनेछ । यस्ता नौला लाग्ने फिचरका बारेमा गूगलले आफ्नो ब्लगमार्फत् जानकारी दिएको छ ।

Advertisements

Slide adventures BUN
JUNGLE
Slide escape
from the
city
Slide Panchmane, Tarkeshwor, KTM Ph: 980-8704092

मेसेजिङ फिचरको प्रयोगसँगै सञ्चारको नयाँ तरिका
१. यो एपमा धेरै मेसेजिङ एपहरुलाई एकै ठाउँमा राख्न सकिने फिचर छ । यसअन्तर्गत म्यासेजिङ एपमा भएका कुराकानी (टेक्स्ट कन्भर्सेसन) नोटिफिकेसन सेक्सनको डेडिकेटेड स्पेसमा लैजान सकिन्छ । यसकारण एकै ठाउँबाट तपाईंले कन्भरसेसनलाई म्यानेज गर्न सक्नुहुन्छ । तपाईंले आफ्ना महत्वपूर्ण व्यक्तिहरुको म्यासेज नछुटोस् भन्नका लागि प्राथमिकतामा त्यस्ता कन्भरसेसन राख्न समेत सक्नुहुन्छ ।

२. यस्तै एन्ड्रोइड अपरेटिङ सिस्टमको नयाँ अपडेटमा ‘बबल्स’ फिचर उपलब्ध छ, जुन तपाईंको डिभाइसमा मल्टी टास्किङ फिचर हो । यो फिचरका कारण कुनै एपमा मेसेज आउँदा फेसबुक मेसेन्जर जस्तै आफूले चलाइरहेको एप बन्द नगरिकनै रिप्लाई दिन मिल्छ । बबल्स ड्र्याग गरेकै आधारमा तपाईंले धेरै काम छिटो गर्न सक्नुहुन्छ ।

३. अन्ततः गूगलले यसमा ब्युल्ट-ईन स्क्रीन रेकर्डिङ फिचर ल्याएको छ । अब तपाईंले आफ्नो फोनमा के भइरहेको छ भनेर स्क्रीन क्याप्चर गर्न वा रेकर्ड गर्न सक्नुहुन्छ र यसलाई शेयर गर्न सक्नुहुन्छ ।

डिभाइस र मिडियालाई कन्ट्रोल गर्ने नयाँ तरिका
४. अब तपाईंले फोनको पावर बटनमा प्रेस गरेकै भरमा कन्ट्रोल स्क्रीन ल्याउन सक्नुहुन्छ र स्मार्ट डिभाइसहरुमा एक्सेस गर्न सक्नुहुन्छ । कुनै मल्टिपल एपहरु नखोलिकनै तपाईंले आफ्ना कनेक्टेड डिभाइसहरु नियन्त्रण गर्न सक्नुहुन्छ ।

५. एन्ड्रोइड इलाभेनबाट सञ्चालित मोबाइलमा वायरलेस रूपमै एन्ड्रोइड अटोले काम गर्नेछ । गूगल असिस्टेन्टको सहयोग लिएर तपाईंले म्यापको डिरेक्सन प्राप्त गर्न, बोलेरै टेक्स्ट पठाउन र आफ्नो मनपर्ने मिडिया (अडियोरभिडियो) प्ले गर्न सक्नुहुन्छ ।

६. एन्ड्रोइड इलाभेनमा मिडिया कन्ट्रोलको फिचर परिमार्जित रूपमा आएको छ, जसका कारण यो फिचर पहिलेभन्दा थप सहयोगी बन्न सक्छ । यसबाट प्ले भइरहेको मिडिया तपाईं सजिलै स्वीच गर्न सक्नुहुन्छ । साथमा यसले नोटिफिकेशन शेडबाट एकदमै छिटो आउटपुट अडियो छान्ने सुविधा दिएको छ।

गोपनीयता र डेटामा प्रयोगकर्ताकै नियन्त्रण
७. माइक्रोफोन, क्यामेरा, लोकेसन आदिका लागि एकपटक अनुमति लिएर मात्रै एक्सेस गर्न मिल्ने सुविधा दिइएको छ । जसका कारण अर्कोपटक एप चलाउँदा अनुमतिका लागि अनुरोध गर्दछ । अप्रुभ गरेपछि मात्रै यी एप चलाउन मिल्नेछ । यसले गर्दा अन्य व्यक्तिले तपाईंको एपमा सहजै प्रवेश पाउन सक्ने छैनन् ।

८. यदि तपाईंले आफ्नो डिभाइसमा कुनै एप इन्स्टल गरेपनि प्रयोग गर्नुभएको छैन भने पक्कै पनि तपाईंले यो एपबाट आफ्नो डेटा एक्सेस नहोस् भन्ने चाहनुहुन्छ । अब ‘अटो-रिसेट’को सहयोगले तपाईंले प्रयोग नगरिरहेका एपको सूचना प्राप्त गर्न सक्नुहुन्छ । यस्ता प्रयोग नगरिएका एपको सुविधा प्रयोग गर्नपरे पुनः अनुमति लिनुपर्ने हुन्छ ।

९. गूगल प्ले सिस्टम अपडेट मोड्युलमा आएको फिचरका कारण तपाईंको फोन सधैं सुरक्षित राख्न, गोपनीयता कायम गर्न र अपडेटेड गरिरहन सक्नुहुन्छ । यसले कुनै समस्याको समाधानका लागि अर्को अपरेटिङ सिस्टम कुर्नुपर्ने बाध्यताको अन्त्य गरिदिएको छ ।

१०. एन्ड्रोइडका इन्टरप्राइज प्रयोगकर्ताका लागि एन्ड्रोइड इलाभेनले आफ्नो व्यक्तिगत डिभाइसदेखि कम्पनीको डिभाइसमा प्राइभेसी प्रोटेक्सन गर्ने फिचर ल्याएको छ । यसले तपाईंको फोनमा रहेको एक्टिभिटी वा व्यक्तिगत प्रोफाइल मनिटरिङ नगरिकनै आईटी डिपार्टमेन्टले डिभाइसलाई म्यानेज गर्न सक्छ ।

पिक्सेलमा अझै धेरै फिचर
११. यदि तपाईं गूगलको पिक्सेल टू वा अझै माथिका फोन चलाउनुहुन्छ भने एन्ड्रोइड इलाभेनबाट आफ्नो फोन म्यानेज गर्न वा अर्गनाइज गर्न अझ धेरै फिचरहरु प्राप्त गर्न सक्नुहुन्छ । जस्तै तपाईंको दैनिक रुटिनको आधारमा फोनको होम स्क्रीनमा एपहरु अपरेटिङ सिस्टमले नै सजेस्ट गर्छ । त्यस्तै गूगल म्यापको लाइभ भ्यू फिचरमा लोकेसन सेयरिङ गर्ने नयाँ सुविधा प्रयोगकर्ताले पाउनेछन् ।

 

तपाईलाई यो खबर कस्तो लाग्यो ?
+1
0
+1
0
+1
0
+1
0
+1
0
+1
0
+1
0

भर्खरै प्रकाशित

सम्बन्धित खबरहरु