ब्रजिलमा चीनले उत्पादन गरेको कोभिड-१९ विरुद्धको एउटा खोपको परीक्षण स्थगित

सिम्रिक खबर.
• ३ महिना अगाडि

SIMRIK
HOLIDAYS Lazimpat, Kathmandu 9813858161 01-4446121/22

Your Holiday Partner

adventures BUN
JUNGLE

escape
from the
city

Panchmane, Tarkeshwor, KTM Ph: 980-8704092

DAZZLE
MAKEUP
STUDIO

ALL KINDS OF
MAKEUP SERVICES
AND CLASSES

CHABAHIL,
KTM PHONE:
9813498185

7
7
Shares

स्वास्थ्यसम्बन्धी निकायले ‘गम्भीर किसिमको प्रतिकूल घटना’ देखा परेको बताएसँगै ब्रजिलमा चीनले उत्पादन गरेको कोभिड-१९ विरुद्धको एउटा खोपको परीक्षण स्थगित गरिएको छ। अन्भीसाले सो घटना अक्टोबर २९ मा भएको बताए पनि थप विवरण सार्वजनिक गरेको छैन। एकजना स्वयंसेवकको मृत्यु भएसँगै परीक्षण स्थगित गरिएको बताइएको छ तर त्यो मृत्यु परीक्षणसँगै सम्बन्धित थियो वा थिएन भन्ने विषय भने स्पष्ट हुन सकेको छैन। परीक्षण व्यवस्थापन गरिरहेको संस्थाका प्रमुख डिमास कोभासले भने खोपका कारण प्रतिकूल प्रतिक्रिया देखा नपरेको बताएका छन्। सञ्चारकर्मीसँग कुरा गर्दै कोभासले स्थगित गर्ने निर्णय गर्नुअघि खोप परीक्षण कार्यक्रम सञ्चालन गरिरहेकासँग परामर्श नगरिएको बताएका छन्। चिनियाँ कम्पनी सिनोभाकले विकास गरिरहेको खोप विश्वव्यापी रूपमा अन्तिम चरणको परीक्षण भइरहेका केही खोपमध्ये एक हो। सिनोभाकले भने आफूहरू ‘खोप सुरक्षित रहेको विषयमा आश्वस्त रहेको’ बताएको छ। उक्त कम्पनीले आपत्कालीन कार्यक्रम अन्तर्गत चीनमा हजारौँ मानिसहरूलाई सो खोप दिइसकेको छ। ब्रजिल कोरोनाभाइरसबाट अत्यन्तै प्रभावित राष्ट्रमध्ये एक हो जहाँ ५६ लाखभन्दा बढी मानिस कोरोनाभाइरसबाट सङ्क्रमित भएका छन्। उक्त सङ्ख्या अमेरिका र भारत पछिको धेरै हो। ब्रजिलमा मृत्यु हुनेहरूको सङ्ख्या भने १,६३,००० को हाराहारीमा रहेको जोन्स हप्किन्स विश्वविद्यालयको तथ्याङ्कले देखाउँछ।