लोकसेवा आयोगले यही कात्तिक १६ गतेदेखि हुने भनिएका सम्पूर्ण लिखित परीक्षा स्थगन गरेको छ। कोरोना महामारीका कारण परीक्षामा सहभागी हुने उम्मेदवारमा सिर्जना भएको भय र आयोगका कर्मचारीमा पनि संक्रमण पुष्टि भएका कारण परीक्षा स्थगन गरिएको आयोगले विज्ञप्तिमार्फत जनाएको छ। परीक्षा व्यवस्थापनमा जनशक्ति खटाउन तथा परीक्षा व्यवस्थापन गर्न समस्या हुने जनाइएको छ। त्यसैले पूर्वनिर्णयबमोजिम तोकिएका निजामती सेवा, सुरक्षा निकाय र संगठित संस्थातर्फका सम्पूर्ण लिखित परीक्षा स्थगन गरिएको आयोगले जानकारी दिएको छ।
DAZZLEMAKEUP
STUDIO
ALL KINDS OFMAKEUP SERVICES
AND CLASSES
CHABAHIL,KTM PHONE:
9813498185
आयोगले नयाँ मापदण्ड ल्याएर कार्यतालिकाअनुसार परीक्षा सञ्चालन गर्ने तयारी गरेको थियो। तर, कोरोना संक्रमित परीक्षामा सहभागी हुन नपाउने मापदण्ड बनाइएपछि त्यसको आलोचना भएको थियो। आयोगले संक्रमणको विशेष अवस्थामा परीक्षा ९सञ्चालन तथा व्यवस्थापन० सम्बन्धी मापदण्डमा रहेको संक्रमितले परीक्षामा समोवश हुन नपाउने व्यवस्थालाई निलम्बन गर्ने निर्णय गरेको छ। सर्वोच्च अदालतको असोज २९ को अन्तरिम आदेशबमोजिम लोकसेवा आयोगको संक्रमणको विशेष अवस्थामा परीक्षा ९सञ्चालन तथा व्यवस्थापन० सम्बन्धी मापदण्ड २०७७ को बुँदा ८९१० कार्यान्वयन नगर्न, नगराउन भनी लेखी आएकोले उक्त व्यवस्था निलम्बन गर्ने निर्णय गरिएको जनाइएको छ। यो निर्णयसँगै संक्रमितले पनि परीक्षा दिन पाउने बाटो भने खुलेको छ।
adventures
BUNJUNGLE
escape from the
city
Panchmane, Tarkeshwor, KTM
Ph: 980-8704092
आयोगका पूर्वसदस्य डा. गोविन्दप्रसाद कुसुमले परीक्षार्थीलाई परीक्षा हलमा जान रोक्ने मापदण्ड नै गलत रहेको बताए। ‘आयोगले परीक्षार्थीलाई हलमा जान दिन्नँ भन्न मिल्दैन। उनीहरू (संक्रमित)को हकमा छुट्टै व्यवस्था गर्नुपर्छ’, उनले भने। उनले कोरोना संक्रमित भएका र नभएकाको हकमा दुई पटक फरकफरक मापदण्ड बनाउनुपर्ने बताए। विश्व स्वास्थ्य संगठनको मापदण्डअनुसार दूरी कायम गरी परीक्षा सञ्चालन गर्न उनको सुझाव छ। यस्तै आयोगले दरखास्त संकलन कार्य पनि स्थगन गरेको छ। नेपाल प्रशासन सेवाका राजपत्रांकित प्रथम श्रेणी सहसचिवको परीक्षाको दरखास्त संकलन पनि नलिइने असोज २८ गते आयोगले जनाएको छ। सहसचिवको पद लुकाएको भन्दै उपसचिवहरूले सर्वोच्च अदालतमा मुद्दा दायर गरेका थिए।
