विश्वभर कोरोना संक्रमितको संख्या ८३ लाख ९८ हजार नाघ्यो, साढे ४ लाख भन्दा बढीको मृत्यु

Advertisements

Slide SIMRIK
HOLIDAYS
Lazimpat, Kathmandu 9813858161 01-4446121/22 Your Holiday Partner

Slide adventures BUN
JUNGLE
Slide escape
from the
city
Slide Panchmane, Tarkeshwor, KTM Ph: 980-8704092

Slide DAZZLE
MAKEUP
STUDIO
ALL KINDS OF
MAKEUP SERVICES
AND CLASSES
CHABAHIL,
KTM
PHONE:
9813498185
  •  
  •  
  •  
  •  
  •  

असार ४, काठमाडौँ। विश्वभर कोरोना भाइरस (कोभिड–१९) संक्रमित संख्या ८३ लाख ९८ हजार नाघेको छ । बुधबार मात्रै विश्वभर १ लाख ४१ हजारभन्दा बढी नयाँ संक्रमित थपिएका छन् ।

Advertisements

Slide DAZZLE
MAKEUP
STUDIO
ALL KINDS OF
MAKEUP SERVICES
AND CLASSES
CHABAHIL,
KTM
PHONE:
9813498185

अहिलेसम्म विश्वभर कोरोना संक्रमणका कारण मृत्यु हुनेको संख्या साढे ४ लाख नाघेको छ । बिहीबार बिहानसम्म विश्वभर कोरोना संक्रमणका कारण ४ लाख ५१ हजार २६६ जनाको मृत्यु भइसकेको वर्ल्डोमिटर्सले जनाएको छ । बुधबार विश्वभर एक दिनमा ५ हजार २६४ जनाले ज्यान गुमाएका छन् । पछिल्लो समय विश्वमा सङ्क्रमित दर बढिरहेसँगै निको हुने दर पनि बढिरहेको छ । तर मृत्यु हुने संख्यामा उल्लेख्य कमी आउन सकेको छैन ।

Advertisements

Slide adventures BUN
JUNGLE
Slide escape
from the
city
Slide Panchmane, Tarkeshwor, KTM Ph: 980-8704092

तर मृत्यु हुनेको तुलनामा निको हुने दर तीव्र रूपले बढिरहेको छ । विश्वभर सङ्क्रमण देखिएकामध्ये अहिलेसम्म ५१ प्रतिशतभन्दा बढी निको भएर घर फर्किएका छन् । बुधबार मात्रै विश्वभर १ लाख ८ हजारभन्दा बढी मानिस संक्रमुक्त भएको वर्डोमिटर्सको तथ्यांकले देखाएको छ ।

अहिलेसम्म कोरोनाभाइरसलाई जितेर घर फर्कनेको संख्या ४४ लाख १४ हजार नाघेको छ । सबैभन्दा धेरै संक्रमित तथा मृत्यु संख्या र निको हुनेको संख्या अमेरिकामा रहेका छन् । अहिलेसम्म त्यहाँ २२ लाख ३४ हजारभन्दा बढी मानिस संक्रमित हुँदा ९ लाख १८ हजारभन्दा बढी निको भइसकेका छन् । तर १ लाख १९ हजार ९ सयभन्दा बढीले ज्यान गुमाइसकेका छन् ।

उता ब्राजिलमा ९ लाख ६० हजारभन्दा बढीमा सङ्क्रमण देखिएकोमा ५ लाख ३ हजारभन्दा बढी मानिस निको भइसकेका छन् । ब्राजिलमा कोरोनाबाट मृत्यु हुनेको संख्या पनि अमेरिकापछि दोस्रो बढी रहेको छ । त्यहाँ अहिलेसम्म ४६ हजार हजार ६६५ जनाले ज्यान गुमाइसकेका छन् ।

यसैगरी रूस र भारतमा पनि कोरोना संक्रमितको संख्या बढिरहेको छ । तर त्यहाँ मृत्युदर कम र निको हुने दर बढी छ । रूसमा अहिलेसम्म ५ लाख ५३ हजारभन्दा बढी मानिसमा संक्रमण फैलिएकोमा ३ लाख ४ हजारभन्दा बढी निको भइसकेका छन् । त्यहाँ कोरोनाबाट अहिलेसम्म ७ हजार ४७८ को मृत्यु भइसकेको छ ।

भारतमा पनि ३ लाख ६७ हजारभन्दा बढी मानिस संक्रमित भएकोमा १ लाख ९४ हजारभन्दा बढी निको भइसकेका छन् । तर भारतमा अहिलेसम्म कोरोनाबाट १२ हजार २६२ को मृत्यु भइसकेको छ ।

उता बेलायतमा अहिलेसम्म २ लाख ९९ हजार ५२१ जनामा कोरोना संक्रमण देखिएकोमा ४२ हजार १५३ जनाको मृत्यु भइसकेको छ । त्यहाँ निको हुनेको संख्या देखाइएको छैन ।

त्यसपछि विश्वमा बढी मृत्यु हुने देशमा इटाली र स्पेन रहेका छन् । इटालीमा हालसम्म कोरोना संक्रमणका कारण ३४ हजार ३४८ को मृत्यु भएको छ भने स्पेनमा २७ हजार १३६ को ज्यान गएको छ । स्पेनमा भने पछिल्लो समय नयाँ मृत्युका घटना देखिएका छैनन् ।

तपाईलाई यो खबर कस्तो लाग्यो ?
+1
0
+1
0
+1
0
+1
0
+1
0
+1
0
+1
0

भर्खरै प्रकाशित

सम्बन्धित खबरहरु