साउदी सरकारले श्रमिकसँग गरिएको करार सम्झौतालाई अस्थायी रूपमा तोड्न पाउने नीति जारी

साउदी सरकारले कोरोना महामारी अवधिभर संकटमा परेका रोजगारदातालाई श्रमिकसँग गरिएको करार सम्झौतालाई अस्थायी रूपमा तोड्न पाउने नीति जारी गरेको छ । साउदीको मानव संसाधन तथा सामाजिक विकास मन्त्रालयले साउदीको श्रम कानुनको दफा नम्बर ४१ को कार्यान्वयनमा रोक लगाउँदै रोजगारदातालाई फाइदा पुग्ने नयाँ नीति ल्याएको हो ।

Advertisements

DAZZLE
MAKEUP
STUDIO ALL KINDS OF
MAKEUP SERVICES
AND CLASSES CHABAHIL,
KTM PHONE:
9813498185

निजी क्षेत्रको रोजगारदाताको हितका लागि भन्दै साउदीले रोजगारदातालाई कुल जनशक्तिको ७० प्रतिशत बेरोजगार श्रमिकको सूची ‘सनिद’ बिमा कार्यक्रममा पेस गर्न पाउनेसमेत व्यवस्था मिलाएको छ । रोजगारदातालाई श्रमिकको कार्यघण्टा घटाई तलब कटौती गर्न, बेतलबी बिदामा राख्न र वार्षिक बिदामा राख्न पाउनेसमेत छुट दिइएको साउदी गजेटमा उल्लेख छ । साउदीमा झन्डै ३ लाख ५१ हजार नेपाली कार्यरत छन् । कोरोना भाइरस नियन्त्रण गर्न साउदीमा लकडाउन गरेपछि सेवा क्षेत्रमा आबद्ध कम्पनीहरू बढी प्रभावित भएको थियो । जसले गर्दा हजारौं नेपालीले रोजगारी गुमाएका थियो ।

Advertisements

adventures BUN
JUNGLE escape
from the
city Panchmane, Tarkeshwor, KTM Ph: 980-8704092

तलब कटौतीमा परेका ठूलो संख्यामा रहेका नेपाली श्रमिकले अझै साउदी छाडिनसकेको नेपाली दूतावासले जनाएको छ । साउदीले डिसेम्बरको १७ तारिखबाट कोरोनाविरुद्धको खोप लगाउन थालेपछि स्वदेश नफर्केको नेपाली श्रमिक रोजगारी पाउने आशामा बसिरहेका छन् । साउदीले प्राथमिकताका आधारमा खोप सेवा उपलब्ध गराएको नेपाली राजदूत महेन्द्रसिंह राजपुतले बताए ।