समर्थकले राज्यका महत्वपूर्ण निकायमा गरेको हमलाको बोल्सोनारोले गरे निन्दा

सेयर गर्नुहोस्

एजेन्सी
रियो दि जेनेरियो, २५ पुस
ब्राजिलका अति दक्षिणपन्थी पूर्वराष्ट्रपति जैर बोल्सोनारोले आफ्ना सयौं समर्थकहरूले कांग्रेस, राष्ट्रपतिको दरबार र सर्वोच्च अदालतमा आक्रमण गरेपछि सार्वजनिक भवनहरूमा लुटपाट र आक्रमणको निन्दा गरेका छन् ।

झण्डाको हरियो र पहेंलो लुगा लगाएका प्रदर्शनकारीहरूको सागर राज्यका तीन वटै शक्तिमा पुगेर हमला गरेका थिए । उक्त घटनालाई सन् २०२१ को ६ जनवरीमा अमेरिकाका पूर्वराष्ट्रपति डोनाल्ड ट्रम्पका समर्थकहरूले अमेरिकी क्यापिटल भवनमा गरेको आक्रमणसँग तुलना गरिएको थियो ।

दक्षिणपूर्वी शहर अराराक्वारामा गम्भीर बाढीले प्रभावित क्षेत्रको भ्रमण गरेका लुलाले ब्राजिलियामा संघीय हस्तक्षेप घोषणा गर्दै आफ्नो सरकारलाई राजधानीमा कानून र व्यवस्था पुनर्स्थापना गर्न विशेष अधिकार दिएका थिए ।

यसैबीच, उक्त आक्रमणको अमेरिकाले निन्दा गरेको छ ।

Leave a Reply

Your email address will not be published.