एनआरएनए स्विट्जरल्याण्डको अध्यक्षमा शुभ एल्मर लामा निर्विरोध

२८ असार, बार्सिलोना । एनआरएनए स्विट्जरल्याण्डको अध्यक्षमा शुभ एल्मर लामा निर्विरोध निर्वाचित भएकी छिन् ।

विगत चार दशकदेखि स्विट्जरल्याण्डमा बस्दै आएकी लामा अध्यक्षमा निर्वाचित भएकी हुन्। दुई कार्यकालसम्म संघको महिला संयोजकमा रही काम गरेकी उनी उपाध्यक्ष हुँदै सन् २०२१- २०२३ कार्यकालका लागि अध्यक्ष बनेकी हुन्।

यस्तै अन्तर्राष्ट्रिय समन्वय परिषदको सदस्यमा (आईसीसी) सीमा गौतम निर्वाचित भएकी छिन्ए । एनआरएन स्विट्जरल्याण्डको इतिहासमा अध्यक्ष र आईसीसी सदस्य दुवै महिला बनेको यो पहिलो पटक हो।

संघको सातौं राष्ट्रिय महाधिवेशनबाट सिङ्गो कार्यसमिति नै निर्विरोध बनेको छ । कार्यसमिति उपाध्यक्षमा प्रमोदकुमार भट्ट र शुक्र श्रेष्ठ, महासचिवमा कुल (कृष्ण) प्रसाद शिवाकोटी, सचिवमा जीवन भट्टराई, कोषाध्यक्षमा राकेश चन्द्र प्रजापती, महिला संयोजकमा चम्पा ज्ञवाली रुकस्टुल, युवा संयोजकमा विनु सुनार र प्रवक्तामा यम काउचा मगर निर्वाचित भएका छन्।

अन्य केही पदहरूमा उम्मेदवारी नपरेपछि पद रिक्त रहेको छ। आइतबार राजधानी बेर्नमा सम्पन्न संघको सातौं राष्ट्रिय महाधिवेशनलाई स्विट्जरल्याण्डका लागि नेपाली राजदूत मणिप्रसाद भट्टराईले उद्घाटन गरेका थिए।

Leave a Reply

Your email address will not be published. Required fields are marked *