१४ कार्तिक,काठमाडौं- परराष्ट्रसचिव सेवा लम्साल बेल्जियमको राजदूतमा अनुमोदन भएकी छन् । संसदीय सुनुवाइ समितिको सिंहदरबारस्थित कार्यालयमा बसेको बैठकले परराष्ट्रसचिव लम्साललाई बेल्जियमका लागि नेपाली राजदूत बनाउने प्रस्ताव अनुमोदन गरेको हो ।
उनीउपर आज भएको संसदीय सुनुवाइ समिति बैठकमा लम्सालले आफ्नो कार्ययोजना प्रस्तुत गरेकी थिइन् । कार्ययोजनामा उनले युरोपेली मुलुक र बहुपक्षीय फोरमहरुमा नेपालको राष्ट्रिय हितको संरक्षण, प्रवर्द्धनमा इमान्दारीपूर्वक काम गर्ने प्रतिबद्धता जनाएकी थिइन् ।