२० कार्तिक, काठमाडौं –युएईका अलराउन्डर रोहन मुस्ताफा पहिलो संस्करणको नेपाल प्रिमियर लिग(एनपिएल)मा सुदूरपश्चिम रोयल्समा अनुबन्ध भएका छन्।सुदूरपश्चिमले चौथो विदेशी खेलाडीको रूपमा मुस्ताफालाई टोलीमा अनुबन्ध गरेको मंगलबार सामाजिक सञ्जालमार्फत जनाएको छ।
३६ वर्षीय मुस्ताफाले हालसम्म युएईका लागि ८१ ओडिआई र ५८ टी-२० आईमा १ सय ४६ विकेट तथा २ हजार ५ सय १० रन बनाएका छन्।मुस्ताफाले यसअघि नेपालमा भएका विभिन्न फ्रेन्चाइजी लिगको अनुभव लिई सकेका छन्। मुस्ताफा नेपाली क्रिकेट दर्शकका लागि पनि परिचित अनुहार हो ।
यसअघि सुदूरपश्चिमले स्कटल्याण्डका अलराउन्डर ब्रान्डन मक्मलेन र इङ्ग्ल्यान्डका अलराउन्डर सेफ जेबलाई टोलीमा अनुबन्ध गरिसकेको छ।तेस्रो विदेशी खेलाडीको रूपमा सुदूरपश्चिमले न्युजिल्याण्डका तीव्रगतिका बलर स्कट कुगेलेइनलाई अनुबन्ध गरेको थियो।
मंसिर १५ गतेदेखि शुरू हुने एनपीएलमा आठ टिमको सहभागिता रहेको छ।