३० असोज, काठमाडौं -धरान उपमहानगरपालिका प्रमुख हर्कराज राईले वडाध्यक्षलाई कार्यवाहकको जिम्मेवारी दिएर बेलायत भ्रमणमा निस्किएका छन् । धरानको उपप्रमुखमा माओवादी केन्द्रबाट निर्वाचित अइन्द्रविक्रम बेघा छन् । उनीसँग सम्बन्ध बिग्रिएपछि मेयर साम्पाङले वडा अध्यक्षलाई जिम्मेवारी दिएका हुन् ।साम्पाङले उपप्रमुख हुँदाहुँदै वडा नम्बर ११ का अध्यक्ष लोकेन्द्र कुमार फागुलाई गत सोमबार देखि नै लागू हुने गरी कार्यवाहक मेयरको जिम्मेवारी दिएका हुन् ।
उपमेयर बेगाले भने यस अगाडिका मेयरले स्थानीय सरकार सञ्चालन ऐन भन्दा बाहिर गएर कुनै पनि गतिविधि नगरेको दाबी गरेका छन्।उपमेयर बेघाले मंगलबार साँझ पत्रकार सम्मेलन गरेर मेयर साम्पाङविरुद्ध कानूनी उपचार खोज्ने समेत बताएका छन् ।नगर प्रमुख हर्क साम्पाङले भने विगतमा पूर्व मेयरहरूले पनि वडाध्यक्षलाई कार्यवाहक दिने गरेको उल्लेख गर्दै यसलाई अन्यथा लिन नहुने बताएका छन ।