२३ मंसिर । गाजापट्टीमा इजरायली हवाई आक्रमणमा १२ प्यालेस्टाइनीको मृत्यु हुनुका साथै अन्य धेरै घाइते भएका प्यालेस्टाइनी स्रोतहरूले बताएका छन् । इजरायली विमानले उत्तरी गाजाको बेट लाहिया शहरमा रहेको कमल अड्वान अस्पताल आसपासको क्षेत्रलाई निशाना बनाएको स्थानीय स्रोत र प्रत्यक्षदर्शीहरूले बताएका छन् । गाजामा प्यालेस्टिनी नागरिक रक्षाका प्रवक्ता महमुद बसालले आक्रमणमा सात जनाको मृत्यु हुनुका साथै अन्य धेरै घाइते भएका छन् । बसालकाअनुसार इजरायलले गाजा शहरको पूर्वमा रहेको शुजाइया छिमेकमा प्यालेस्टिनीहरूको भेलामा दिनपछि अर्को हवाई आक्रमण शुरु गरेको छ । जसमा तीन जनाको मृत्यु भयो र अन्य पाँच घाइते भए ।