काठमाडौं,राष्ट्रपति रामचन्द्र पौडेलले आर्थिक वर्ष २०८३/८४ को नीति तथा कार्यक्रम प्रस्तुत गरिरहेका बेला प्रधानमन्त्री बालेन्द्र (बालेन) शाह संसद भवनबाट बाहिरिनुभएको छ सोमबार संघीय संसदको संयुक्त सदनमा जारी सम्बोधनको करिब आधा घण्टापछि उहाँ बैठक हलबाट बाहिरिनुभएको हो।
राष्ट्रपतिले झण्डै १ घण्टा १५ मिनेट लामो सम्बोधन गरिरहँदा प्रधानमन्त्री शाह बीचैमा निस्किएपछि संसदमा उपस्थित सांसद र विशिष्ट अतिथिहरूमाझ केही बेर अन्योल देखिएको थियो। सामान्यतया, राष्ट्रप्रमुखले सरकारको वार्षिक नीति र कार्यक्रम सार्वजनिक गर्दा सरकार प्रमुख (प्रधानमन्त्री) अनिवार्य रूपमा उपस्थित रहनुपर्ने संसदीय मर्यादा र परम्परा रहेको छ
प्रधानमन्त्रीको यो आकस्मिक बर्हिगमनलाई लिएर सामाजिक सञ्जाल र राजनीतिक वृत्तमा विभिन्न टिकाटिप्पणीहरू सुरु भएका छन्। विपक्षी दलका नेताहरूले यसलाई संसदीय गरिमा र राष्ट्रपतिको अपमानका रूपमा चित्रण गरेका छन्।
यस वर्षको नीति तथा कार्यक्रममार्फत सरकारले भ्रष्टाचारमा शून्य सहनशीलता, डिजिटल गभर्नेन्स र ७ प्रतिशतको आर्थिक वृद्धिको महत्वाकांक्षी लक्ष्य राखेको छ। तर, नीतिगत बहस हुनुपर्ने समयमा प्रधानमन्त्रीको व्यक्तिगत आचरण र प्रस्तुति शैलीमाथि बढी चर्चा हुन थालेको छ।
