७ जेठ, काठमाडौं । प्रधानमन्त्री पुष्पकमल दाहाल प्रचण्डले आवश्यक परे १०–१२ पटक लिनुपरे पनि तयार रहेको बताएका छन् । प्रतिनिधिसभा बैठकमा विश्वासको मत लिने बेलामा कांग्रेसले संसद अवरोध गरको थियो । अवरोध गरेपछि यो गतिविधि महँगो पर्ने भन्दै इतिहासमा कलंकको रुपमा स्थापित हुने चेतावनी दिएका थिए ।
प्रतिनिधिसभाको बैठकबाट बाहिरिने क्रममा कांग्रेसले अब कस्तो मूल्य चुकाउनुपर्छ भन्ने सञ्चारकर्मीको प्रश्नमा प्रधानमन्त्री प्रचण्डले थपे, ‘अब आउने चुनावमा थाहा पाउनेछ ।उनले आफूले १७ महिनामा चौथो पटक विश्वासको मत लिएको कुरा विश्वमै रेकर्ड बसेको जिकिर गर्दै आवश्यक परे १०–१२ पटक लिनुपरे पनि तयार रहेको बताए ।