५ माघ, काठमाडौं । बोक्सी आरोपमा कुटपिट गरी हत्या गरेको आरोपमा १५ वर्षपछि दुईजना पक्राउ परेका छन् । काभ्रे रोशी गाउँपालिका ३ का ४४ वर्षीय टंकबहादुर मगर र सोही गाउँ बस्ने ४२ वर्षीय सन्तबहादुर मगर पक्राउ परेका हुन । रोशी गाउँपालिका ३ का जनकबहादुर मगरलाई कुटपिट गरी हत्यापछि फरार भएका उनीहरूलाई पक्राउ गरिएको काठमाडौं उपत्यका अपराध अनुसन्धान कार्यालयले जानकारी दिए ।
पक्राउ परेका दुबै जनकबहादुरका भतिजा नाता पर्ने व्यक्ति हुन्न । २०६५ साल असोज २९ गते जनकबहादुरको हत्या भएको थियो । पक्राउ परेका दुवैजनालाई आवश्यक कारबाहीको लागि शुक्रबार जिल्ला अदालत काठमाडौंमा बुझाइएको कार्यालयका सूचना अधिकारी प्रहरी उपरीक्षक मिलन केसीले बताए ।