१७ वर्षको उमेरदेखि विद्यार्थी राजनीतिमा सक्रिय आदर्श मल्ल नेपाली कांग्रेसको केन्द्रीय समितिमा निर्वाचित भएका छन्। सुदूरपश्चिमलाई आफ्नो राजनीतिक पहिचान बनाउँदै अघि बढेका मल्लले अब पार्टीमा युवा पुस्ताका आकांक्षा र समसामयिक मुद्दालाई प्राथमिकताका साथ उठाउने बताएका छन्।

आगामी निर्वाचनमा कम्तीमा ५० प्रतिशत युवा तथा महिलाको सहभागिता र नेतृत्व सुनिश्चित गर्ने उनको संकल्प छ। पार्टीको नेतृत्व तहमा युवा तथा महिलाको प्रतिनिधित्व बढाउँदै राजनीतिमा नयाँ पुस्ताको भूमिका सशक्त बनाउने लक्ष्यसहित मल्ल अघि बढ्न खोजिरहेका छन्।