काठमाडौँ – प्यालेस्टाइनमा भइरहेको इजरायली आक्रमणविरुद्ध काठमाडौँमा विरोध प्रदर्शन भएको छ।प्यालेस्टिनीहरूमाथि इजरायलबाट भइरहेको जनसंहारविरुद्ध संयुक्त अभियान, नेपालको आयोजनामा सोमबार प्रदर्शन भएको हो।
प्रदर्शनमा सहभागीहरुले प्यालेस्टाइनविरुद्ध भइरहेको मानवसंहार रोक्न माग गरेका छन्। उनीहरुले इजरायली दूतावासमा ज्ञापनपत्र बुझाउने भने पनि प्रहरीले लाजिम्पाटमै रोकेको छ।रत्नपार्कबाट र्यालीसहित गएका उनीहरुलाई प्रहरीले अघि बढ्न नदिएपछि लाजिम्पाटस्थित सडकमै बसेर विरोध जनाएका छन्।