काठमाडौं । कोशी प्रदेशमा नेपाली कांग्रेसले मुख्यमन्त्री हिक्मतकुमार कार्की नेतृत्वको सरकारलाई दिएको समर्थन फिर्ता लिएको छ। आज बसेको नेपाली कांग्रेसको संसदीय दलको बैठकले सरकारलाई दिएको समर्थन फिर्ता लिने निर्णय गरेको हो।
संसदीय दलको बैठक जारी रहे पनि कांग्रेसले आफूहरू अब विपक्षी बेन्चमा बस्ने जानकारी प्रदेशसभा सचिवालयलाई गराएको छ। प्रदेशसभा सचिव सुदर्शन खड्काका अनुसार कांग्रेसले विपक्षी बेन्चमा बस्ने गरी पत्र पठाएको हो।
कोशी प्रदेशसभामा नेपाली कांग्रेसका २९ सांसद छन्। कांग्रेसले समर्थन फिर्ता लिएसँगै प्रदेश सरकारको राजनीतिक समीकरणमा समेत प्रभाव पर्ने देखिएको छ।
मुख्यमन्त्री हिक्मतकुमार कार्कीले कांग्रेसलाई सरकारलाई दिएको समर्थन कायम राख्दै विश्वासको मत दिन आग्रह गरेका थिए। तर कांग्रेसले मुख्यमन्त्रीको आग्रहलाई अस्वीकार गर्दै सरकारलाई दिएको समर्थन फिर्ता लिने निर्णय गरेको हो।
कांग्रेसले समर्थन फिर्ता लिएपछि अब मुख्यमन्त्री कार्कीले प्रदेशसभामा विश्वासको मत लिनुपर्ने अवस्था आउन सक्नेछ। सरकारको पक्षमा रहेको समर्थन र प्रदेशसभाको अंकगणितका आधारमा आगामी राजनीतिक समीकरण कस्तो बन्छ भन्ने विषयमा पनि चासो बढेको छ।
कांग्रेसले समर्थन फिर्ता लिएसँगै कोशी प्रदेश सरकार थप राजनीतिक दबाबमा परेको छ। अब मुख्यमन्त्री कार्कीले सरकारलाई निरन्तरता दिन आवश्यक बहुमत कसरी जुटाउँछन् भन्ने विषय महत्वपूर्ण बनेको छ।
यसअघि सरकारलाई समर्थन गर्दै आएको कांग्रेस अब औपचारिक रूपमा विपक्षी बेन्चमा बस्ने भएपछि कोशी प्रदेशको सत्ता समीकरणमा नयाँ राजनीतिक अध्याय सुरु भएको छ।
