काठमाडौं । रसुवाको भोटेकोशी बाढीपछि जारी खोज तथा उद्धार अभियानमा हालसम्म १ हजार ३८५ शव तथा मानव अंग फेला परेका छन्। नेपाल प्रहरीले सार्वजनिक गरेको पछिल्लो विवरणअनुसार ४ हजार ८९ जना अझै बेपत्ता छन्।
फेला परेकामध्ये ५४२ पुरुष र ३३८ महिला छन् भने ५०५ वटा आंशिक मानव अंग रहेका छन्। १०३ शवको पहिचान गरी आफन्तलाई बुझाइएको छ भने १ हजार १४८ शवको सुरक्षित व्यवस्थापन गरिएको छ।
शव पहिचानका लागि मृतक र आफन्त गरी २ हजार ९९८ जनाको डीएनए नमुना संकलन गरिएको छ। यस्तै, पहिचान नखुलेका १ हजार ३२६ जनाको विवरण वेबसाइटमा सार्वजनिक गरिएको छ।
बेपत्तामध्ये ३ हजार ४७९ नेपाली र ६१० विदेशी नागरिक छन्। उद्धारतर्फ घाइते तथा प्रभावित गरी ९ हजार २८७ जनाको उद्धार भइसकेको छ भने ३ हजार १७६ जना विभिन्न होल्डिङ सेन्टरमा आश्रित छन्।
खोज तथा उद्धारमा ७ हजार ८७५ प्रहरी परिचालन गरिएको छ। बाढीपछि २५ प्रहरी अझै सम्पर्कविहीन छन् भने ६५ जना प्रभावित भएका छन्। साथै, प्रभावित क्षेत्रमा १६६ वटा सचेतनामूलक कार्यक्रम सञ्चालन गरिएको प्रहरीले जनाएको छ।
