काठमाडौं । प्रधानमन्त्री बालेन्द्र शाह (बालेन) मुस्ताङ भ्रमण सम्पन्न गरी काठमाडौं फर्किएका छन्।
प्रधानमन्त्री शाह परिवारका सदस्यहरूसहित शनिबार मुस्ताङ पुगेका थिए। भ्रमणका क्रममा उनले प्रसिद्ध धार्मिकस्थल मुक्तिनाथ मन्दिरमा पुगेर पूजा तथा दर्शन गरेका थिए।
शनिबार अपराह्न मुक्तिनाथ पुगेका प्रधानमन्त्री शाहले मन्दिरमा पूजाअर्चना गरेपछि मुस्ताङका विभिन्न क्षेत्रको भ्रमण गरेका थिए। पारिवारिक भ्रमणका रूपमा रहेको उनको मुस्ताङ यात्राका क्रममा स्थानीय क्षेत्रको अवलोकनसमेत गरिएको जनाइएको छ।
मुस्ताङ भ्रमण सम्पन्न गरेपछि प्रधानमन्त्री शाह आइतबार जोमसोम–बेनी सडकखण्ड हुँदै काठमाडौं फर्किएका हुन्। सडकमार्गबाट बेनी हुँदै काठमाडौं आएका शाहको भ्रमणका क्रममा कुनै औपचारिक राजनीतिक कार्यक्रम भने नरहेको बताइएको छ।
प्रधानमन्त्री शाह पछिल्लो समय विभिन्न जिल्लाको भ्रमण तथा स्थानीय अवस्था बुझ्ने क्रममा पनि देखिँदै आएका छन्। मुस्ताङ भ्रमणका क्रममा भने उनले परिवारका सदस्यसँगै धार्मिक तथा पर्यटकीय क्षेत्रको अवलोकन गरेका हुन्।
मुस्ताङ नेपालको प्रमुख धार्मिक तथा पर्यटकीय गन्तव्यका रूपमा परिचित छ। मुक्तिनाथ मन्दिर हिन्दू तथा बौद्ध धर्मावलम्बीका लागि महत्वपूर्ण तीर्थस्थल मानिन्छ। यहाँ वर्षभरि देश तथा विदेशबाट ठूलो संख्यामा श्रद्धालु तथा पर्यटक पुग्ने गर्छन्।
प्रधानमन्त्री शाहको यसपटकको मुस्ताङ भ्रमण भने निजी तथा पारिवारिक प्रकृतिको रहेको जनाइएको छ।
