सामसङ र एनसेलको दसैँ अफर: टिभी, फ्रिज र वासिङ मेसिनमा ३१ प्रतिशतसम्म छुट

काठमाडौं । सामसङ नेपाल र एनसेलले चाडपर्वलाई लक्षित गर्दै ग्राहकका लागि विशेष छुट योजना सार्वजनिक गरेका छन्। योजनाअन्तर्गत एनसेलका ग्राहकले छनोट गरिएका सामसङ टिभी, रेफ्रिजरेटर र वासिङ मेसिन खरिदमा ३१ प्रतिशतसम्मको लाभ लिन सक्नेछन्।

सामसङको जारी चाडपर्व योजनामा एनसेलका ग्राहकले थप १२ प्रतिशतसम्म छुट पाउने कम्पनीले जनाएको छ। दुवै अफर जोड्दा योग्य मोडेलमा कुल ३१ प्रतिशतसम्म छुट उपलब्ध हुनेछ।

यो सुविधा लिन ग्राहकले एनसेल एपको ‘Partnered Services’ सेक्सनमा गएर आफूलाई उपलब्ध छुट र अफर कोड हेर्न सक्नेछन्। एनसेल प्याकमा गर्ने खर्चका आधारमा ग्राहकअनुसार छुट फरक हुन सक्नेछ। अफर कोड प्राप्त गरेपछि सहभागी सामसङ आधिकारिक डिलरबाट सामान खरिद गर्न सकिनेछ।

कम्पनीका अनुसार यो योजना ८ अक्टोबरदेखि १६ नोभेम्बर २०२६ सम्म लागू हुनेछ। सहभागी स्टोरबारे जानकारी लिन ग्राहकले टोल–फ्री नम्बर १६६००१७२६६७ वा ९८०१५७२६६७ मा सम्पर्क गर्न सक्नेछन्। योजनामा सर्त तथा नियम लागू हुनेछन्।