Simrik Khabar

देउवा : सरकारले जनताको मतको कदर गर्नुपर्छ

13 August, 2026 10 Views

काठमाडौं । नेपाली कांग्रेसका निवर्तमान सभापति तथा पूर्वप्रधानमन्त्री शेरबहादुर देउवाले वर्तमान सरकारले जनताको मत र परिवर्तनको चाहनालाई कदर गर्नुपर्ने बताएका छन्।

सिंगापुरमा उपचारपछि आज स्वदेश फर्किएका देउवाले अपिल जारी गर्दै परिवर्तन सहज नहुने भन्दै सरकारले जनताको आकांक्षा पूरा गर्ने दिशामा काम गर्नुपर्ने बताएका हुन्।

उनले सरकारले आफ्नो जिम्मेवारी पूरा गर्नुको सट्टा राजनीतिक पूर्वाग्रह राखेर काम गरे त्यसले देश र सत्तारुढ दल दुवैलाई फाइदा नहुने बताएका छन्। नयाँ जनमतबाट बनेको सरकारले जनताको चाहना र मतको सम्मान गर्नुपर्ने उनको भनाइ छ।

देउवाले देशमा भइरहेको परिवर्तनलाई व्यवस्थित रूपमा अघि बढाउन आफूहरू सहयोग गर्न तयार रहेको बताएका छन्। उनले परिवर्तनका काम पारदर्शी, निष्पक्ष र सही तरिकाले अघि बढाउनुपर्नेमा जोड दिएका छन्।